Хүүхэд, залуучуудад зориулсан театрын урлагийг орон нутгийн хүүхэд бүрт хүргэх зорилготой “Wanderlust” төсөл маань олон улсын санхүүжилтийн томоохон платформ болох FUNDEA дээр албан ёсоор байршлаа. Бид энэхүү кампанит ажлын хүрээнд нийт 82,000,000 (наян хоёр сая) төгрөгийн санхүүжилт босгох томоохон зорилт тавин ажиллаж байна.
Fundea гэж юу вэ?
Фандиа нь төсөл санаачлагч болон санхүүжүүлэгч нарыг хооронд нь холбодог буюу шинийг санаачлагчдад мөнгө босгох харин олон нийтэд өөрт таалагдсан төсөлдөө санхүүжилт хийх боломжийг олгож буй харилцан итгэлцэл, үнэ цэнийг түгээдэг платформ юм. Уламжлалт санхүүжилтийн аргуудаас ялгаатай нь Fundea нь дэлхийн өнцөг булан бүрт байгаа хувь хүн, албан байгууллагуудад нийгэмд эерэг өөрчлөлт авчрахтөслүүдийг шууд дэмжих боломжийг олгодог.
Иймд бид төслийнхөө ил тод байдал, олон улсын хүртээмжийг хангахын тулд Fundeа-г сонгосон бөгөөд энэхүү чухал аяны хандивын хугацаа 2026 оны 3 дугаар сарын 23-ны өдөр дуусахыг анхааруулж байна.
Яагаад яг одоо дэмжих ёстой вэ?
Бидний зорилго бол зөвхөн үзвэр үзүүлэх бус, Монголын хөдөө орон нутгаас эхлээд Индонези, Непалын алслагдсан бүс нутгийн хүүхдүүдэд соёлын тэгш хүртээмжийг бий болгох юм.
Та хэрхэн туслах болон санхүүжүүлэх боломжтэй вэ?
- Шууд хандив: FUNDEA платформ дээрх “Wanderlust” цонхоор орж өөрийн боломжоор дэмжих.
- Мэдээлэл түгээх: Энэхүү постыг найз нөхөд, хамт олондоо хуваалцаж, хүүхдийн төлөөх үйлсийг дэмжихийг уриалах.
- Байгууллагын дэмжлэг: Нийгмийн хариуцлагын хүрээнд бидэнтэй хамтран ажиллах.
👉 Одоо дэмжих холбоос: [https://fundea.mn/projects/wanderlust/wanderlust]
Хүүхэд бүрийн төсөөллийн ертөнцийг театрын шидээр баяжуулахад бидэнтэй нэгдсэн танд баярлалаа!
